Li Għad Immut u Xejn ma Jibqa’.

Li għad immut u xejn ma jibqa’,

Lili dal-ħsieb qed idejjaqni,

L-imħabba wkoll għad tisparixxi,

Iifisser dan, li ż-żmien seraqni.

Serbut ta’ nemel fuq bankina,

Kulħadd bil-pass u r-ritmu tiegħu,

Kulħadd mifxul fi trieqtu miexi,

U dan hu kollox li jġorr miegħu.

U miexi jien u miexi magħhom,

U bħalhom sfajt fuq xatt ir-ramla,

Ninkines bħalhom, nibqa’ sejjer,

Ma kull kurrent, minġarr mill-ħamla.

Alfred Grech.

14/07/2016

Nixtieqek.

Nixtieqek  daqs iż-żmien

Li qatt flimkien m’għaddejna;

Nixtieq li t-tnejn flimkien

Inkomplu fejn ħallejna.

Biex naqsmu dak il-pont

Li bqajna qatt ma qsamna,

U nordmu dak li kien

Li bqajna qatt ma rdamna..

U nkomplu dak il-vjaġġ

Mnejn triqtna nbidlet f’oħra,

Il-qari ta’ rumanż,

Li jkollu tmiem xort’oħra.

Biex ngħidlek dak li xtaqt

U bqajt biex qatt m’għedtulek,

Biex ngħażel dak il-kliem

Tassew li kien jixraqlek.

U ngħidu lid-destin:

Din kienet it-tifsila,

Imwieżna ma xuxlin

Inkomplu t-triq it-twila.

Alfred Grech

13/07/2016

Palazzo Celio.                                      

Ftit kienu dawk ta’ fidi li xi darba

Dar-raħal li fl-imgħoddi baqa’ lura,

Kiene ser iwelled għaqda mużikali

Li trawwam il-ħiliet hawnhekk miġbura.

U kienu inqas dawk li darba ħolmu

Li jibnu dar fejn qabel kien hemm xahari.

Mingħajr il-flus. mingħajr dawk ir-riżorsi

Bħal blugħa kien il-ħsieb u l-pjan aħħari.

Sakemm il blugħa saret ħaġa serja,

U l-ħolm tal-ftit kien beda jieħu s-sura.

Akkwistaw art, bdew jibnu ġebla, ġebla,

U sar proġett mingħajr ma ħarsu lura.

U llum hawn dal palazz li fit-tifsila

Hu monument tal-għaqal u tal-ħila.

Alfred Grech

24/06/2016

XCVIII

Irrid insib li naħrab taħt xi forma

Biex nitlaq, ma nibqax f’din l-illużżjoni,

Il-bogħod minn fejn jingħad li jgħodd fil-borma,

Tal-ħajja ta’ kulljum b’kumbinazzjoni.

Irrid immur insib fl-anestesija,

Is-serħ mir-ritmu mgħaġġel li jġibilna

Is-sogħoba f’qalbma wara xi ħmerija,

Fix-xibka li ninsġuha b’dak l’għamilna.

Irrid iż-żmien naħarbu f’art minsija,

Il-bogħod minn dak li jgħidu li hu sewwa,

Minn dak li jista’ jgħodd ‘mma mhux għalija

U nisma’ biss minn dak li ġej minn ġewwa.

U ninsa’ wkoll kull sens tal-irġulija,

U nżomm il-ferħ fir-ruħ li hu għalija.

Alfred Grech

11-09-2016

Jekk Tgħereq.

Jekk tgħereq f’dawn l-abbissi,

Fejn darba jien inħbejt,

Issib mitt elf raġuni

U għadek fejn ħallejt.

Jekk tgħum fil-baħar tiegħi,

Biex turi fedelta’,

Tiskopri dinja ġdida,

Mhux din ir-realta’.

Jekk tidħol ġewwa qalbi,

U tfittex sew bis-sħiħ.

Teżori sbieħ jinkixfu,

Qalb ferħ u qalb uġigħ.

U tibqa’ tgħammar miegħi

F’dak kollu li stajt bnejt,

Il-bieb niftaħlek beraħ

Tkun l-aktar li ħabbejt.

U jekk imbagħad xi darba

Li titlaq, tkun trid, tmur,

Tiġik it-tentazzjoni

Biex timraħ, biex iddur,

Trid qabel tisker sakra

U tagħaqad bla waqfien,

F’dak kollu li berraħtlek

F’dak kollu li hu jien.

Alfred Grech

09/07/2016

Fittixt.

Fittixt il-kelma adatta,

Biex ngħidlek dak li xtaqt,

Ma sibt mank kelma waħda,

Bqajt sieket f’dak il-waqt.

Xtaqt kieku li nsejjaħlek,

’Mma x’jismek jien ma nafx,

Għax ismek ferħ u hena

Fi kliem ma jissarrafx.

Fittixt ukoll tifsira

Ta’ dak li qatt ma fhimt,

’Mma dejjem xtaqt li ngħidlek,

Int fhimt bla ma tkellimt.

Alfred Grech

08/07/2016

U Għad Xi Darba Nifhmek.

Tgħid għad xi darba nifhmek

Xħin waħdi noqgħod kwiet,

Ningħalaq f’dan it-torri

Nntilef ġo das-skiet.

U noqgħod nikkuntempla,

Il-baħħ u t-tul taż-żmien,

Il-mixi tal-millenji,

U dak li qatt ma kien.

Li jgħannu bħas-sireni

U jħajjru lill-baħrin,

Dak kollu li kont tgħidli

Motivi ta’ kull ħin.

Alfred Grech

07/07/2016

Jinfaqgħu Bżieżaq.

Jinfaqgħu bżieżaq t’arja qabel jiżbaħ

Murtali tas-sapun,

Ma baqa’ xejn miż-żrar u t-trab tal-bieraħ,

L-ispirtu fil-flixkun.

Ir-rota tibqa’ titħan sa fix-xifer,

Il-ħsieb sar bħal miġnun,

Indur in-naħħa l-oħra tas-siparju,

Ħabib kull min ikun.

It-toroq li terraqna saru xahari,

Il-lejla fejn se tkun?

Inkella saru dritti u qatt ma jieqfu,

Ħarstek daqs sejf misnun.

Alfred Grech

06/07/2106

U xħin nispiċċa ngħanni.

U xħin nispiċċa ngħanni, tistaqsini,

Kontx jien dak il-profeta li kien ħabbar

It-tmiem tad-dinja. Terġa’ tistaqsini:

Jekk kontx minn dawk il-ħafna li sejjħulek.

U biex s’hawnhekk stajt nasal kelli ninsa’

Dak kollu li tgħallimt, dak li kien tajjeb

Fl-għadira tal-banali u tal-medjokiri.

Jekk jien wasalt s’hawnhekk għax rasi iebsa,

Għax kont ribell, ma żvintx maż-żifna tagħhom,

Fittixt il-mogħodijiet tas-solitudni,

U ntbaħt minn kmieni ferm il-baħħ tal-frugħa.

Ta’ dak li nara, immis u dak l’għallmuni.

Jien nista’ qatt ma nilħaq il-quċċata

Iżd’ inti qatt ma tixba tistaqsini.

Alfred Grech

01/07/2016

Ma nafx minn fejn ser nibda

Ma nafx minn fejn ser nibda biex inġonġi

Il-kliem sabiħ għalik ikun tifkira,

Il-pinna f’idi, moħħi qoxqox,

U f’ruħi hemm desert ta’ sogħoba kbira.

Qaluli biex ngħannilek xħin tinħareġ

Ix-xbieha mqaddsa tiegħek minn ġon-niċċa.

Leħen m’għandix u lanqas melodija,

U lanqas naf mnejn tibda u fejn tispiċċa.

Tifħir għalik kull kreatura ttenni,

Dutturi, għorrief, poeti tal-istorja,

Fil-litaniji, innijiet u kurunelli,

U l-anġli tas-smewwiet jgħolluk fil-glorja.

Fqir wisq dak li ntennilek O Marija,

Dal frak u dal biċċiet ta’ qalb mifnija.

Alfred Grech

30/06/2016

Miktuba fl-okkazzjoni tal-ħruġ tal-istatwa tal-Madonna tas-Sokkors Kerce, min-niċċa

Int Tista’ Tgħid.

Int tista’ tgħid li qatt ma rajtni

Nixxabbat mal-ħitan li bnejna,

U tista’ tgħid li qatt ma ħsibna

Li nterrqu toroq mnejn għaddejna;

Li tul dat-toroq li terraqna,

Kien hemm xi żmien li rġajna lura,

Li qtajna n-nifs, li reġa’ bdielna,

Inkella nħbejna taħt xi sura.

Int tafni biss fuq il-gardjola

Mank nemmen biss irrid ’l-għajnejja,

Imberraħ dak li nħoss ġo qalbi

Bid-dmugħ iġelben ma ħaddejja.

Int tista’ tgħid u ma tkunx tigdeb,

U jiena xbajt hawnhekk nittawwal,

Fil-foss fejn qatt u qatt ma konna,

Mhemm l-ebda raġġ li jista’ jdawwal.

Alfred Grech

2806/2016

U Bqajna Nagħmlu Bħalhom.

Inħalli lilkom tgawdu

Il-ġid li qed jinġema’,

Par ġwienaħ issa nrabbi

’L-fuq intir fis-sema.

Inħalli lilkom tfasslu

Sisien ta’ dinja ġdida,

Nintasab taħt dis-siġra

Bil-għana x-xemx nisfida.

Ma nafx li nħott kont qiegħed

Is-swar ta’ ġnien il-ġenna,

Għax jiena mingħalija

Kont barra qed nistenna.

Imm’aħna hawnhekk spiċċajna

Għax konna bħal ħaddieħor,

U bqajna nagħmlu bħalhom

Bla wieħed mhu bħall-ieħor.

U nafu li żbaljajna

Għar ridna nserrħu rasna

U bqajna nagħmlu bħalhom,

Biex setgħu jagħtu kasna.

Alfred Grech

27/06/2016

ISSA.

Issa li nħossni waħdi,

Inħoss dat-toqol kbir

Ta’ ġisem qed jiġġammja,

Ta’ moħħ li sar ilsir.

Ilsir ta’ ħsieb li jinbet

Mid-dlam ta’ bir bla qiegħ,

Fir-rabta ta’ kull drawwa,

Fejn l-għadu kien rebbieħ.

Fejn l-għadu hija d-dinja,

Dak kollu li tgħallimt,

It-toroq minnn fejn tgħaddi,

In-nies li qatt kellimt.

Issa, li nħossni waħdi,

It-toqol kollu mar,

Inħossni aktar ħieles

U sirt l-għasfur li tar.

Alfred Grech

25/06/2016

Dagħbien.

Qatt setgħu dawn it-toroq,

It-toroq tagħna t-tnejn

Iwasslu f’dan l-inkroċju

Li jżommna bejn ħaltejn?

Qatt stajt bħal skoll fil-baħar

Tanngħaqni bejn dirgħajk,

U l-bogħod li hemm bejntietna

Jintilef bejn subgħajk?

Qatt, qatt għax inti safa’,

U jien ma nafx min jien,

Għaddejja int dritta, dritta,

U jien mitluf f’dagħbien.

Alfred Grech

24/06/2016

Xortik

Hemmhekk mhux ser issibha

Fil-ġiri u fil-mistrieħ

Tweġiba għal mistoqsija

Bħal-għerf li tar mar-riħ.

Hemmhekk mhux ser issibha

La tħaddem moħħok xejn

Bil-ħsieb u bir-raġuni

Tixtarr m’għandekx għalfejn.

Tweġiba għall-mistoqsija,

Int żgur mhux ser issib,

Imbagħad jekk tibda tgħixha

Bli jiġi u b’kull ma ġġib.

Għax f’dal li tagħmel issa,

Tkun taf u b’kemm jiġik

Kemm f’moħħok u kemm f’ġismek,

Imqajjem u f’sensik.

U tibqa’ tgħix il-ħajja,

Bli jiġi ta’ kulljum,

Tittama fil-fortuna

Ukoll jekk din iddum.

Xi darba għad tidħaqlek,

U meta u xħin ma tafx,

Xħin lanqas tkun tistenna

U kif ma tingħarafx.

Alfred Grech

23/06/2016.

U Meta Tlaqt Minn Ħdejk.

U meta tlaqt minn ħdejk,

Ma bqajtx inħoss is-sħana,

Tax-xemx ta’ nofsinnhar

Fil-qiegħa tas-sajf tagħna.

Ridt nisma’ ħoss ir-riħ,

Li jilgħab qalb il-friegħi,

Il-grillu l-ħemda jduq

Tal-lejl xħin ma tkunx miegħi..

Terraqt u ħafna ġrejt

Biex nasal f’tarf id-dinja

Biex nara tinbidilx

Xħin taqbeż barra l-linja.

Inkella tinbidilx

In-nisġa tal-għanqbuta,

Il-ħjut u dad-disinn

Imdendla ma misluta.

Xħin konna ħdejn xulxin,

Int qisek kont mismuta,

U jiena ma sibtx xi ngħid,

Għax bħal waqajt fil-muta..

Xħin konna ħdejn xuxlin,

Staqsejtek kemm il-darba

Tweġiba bqajt ma ħadtx,

Minn fommok ħarġet karba.

Illum fil-bogħgod tas-snin

Tal-mili u tad-distanza,

Nistaqsi jekk kontx int

U jien li sfinna d-danza..

Alfred Grech

22/06/2016

Tgħidlix li din mhix oħra. *

Tgħidlix li din mhix oħra

Minn dawk it-tbeżbiżiet

Li Alla jibgħatilna

Biex nifhmu ftit bil-kwiet,

Xi tfisser din il-ħajja

Xi jfisser dan il-vjaġġ

Għaliex din it-tbatija

Ghaliex tad-dawl ftit raġġ.

Xi tfisser mewt min oħra

Ta’ min tkun tafu sew,

Bħal kewkba li tintefa’,

Ta’ min hu minn ta’ ġew.

Għaliex malajr minn fostna

Hasditek hin bla waqt

Ix-xafra ta’ mewt ghamja

Mhux din il-firda. xtaqt.

Biex nieqfu ftit niftakru

Xi tfisser sewwa sew,

Li tgħix minn jum għall-ieħor,

Dil-ħajja, u s-snin li għaddew.

U kemm hi ħolma fiergħa

Li tgeddes, timla l-but,

Għax taħseb l’hawn se tibqa

Għal dejjem, qatt ma tmut.

Li tibni borġ fuq ieħor

Tiġġieled għall-unur,

Fuq kollox il-karriera,

Biex darba ssir sinjur.

Tgħidlix lidan mhux ieħor

Minn dawk il-ħafna għeliem

Li Alla jogħġbu jibgħat

Bil-versi ta’ bla kliem

U kemm qatt ma trid li tinsa’,

Li huwa dal-mument,

Li Alla tak biex taħtfu,

U timxi mal-kurrent.

Għal-għada jaħseb għada,

Biżżejjed hu għal jum

Il-ħażen u l-għawġ tiegħu

Fil-mixja ta’ kuljum

Alfred Grech

20/06/2016.

* Din il-poeżija hij ispirata mill-mewt għall għarrieda tamart ħija Ġuza Grech.

Din tista’ tkun il-mixja

Din tista’ tkun il-mixja

L-itwal li qatt imxejt,

Nimxiha xorta waħda

Inkompli għalkemm għajjejt.

Li jwassal f’tarf id-dinja

Dan jista’ jkun il-vjaġġ,

Mhux sejjer nerġa’ lura

Imxekkel bl-ingranaġġ.

Int tista’ tiġi miegħi

F’dal ħin qasir, misluf,

Tal-inqas ma tkunx waħdek,

Mitluq, beżgħan, mitluf.

Kull darba li niltaqgħu

Arana nibdlu l-pass,

Infasslu rotta ġdida,

Bir-riga u bil-kumpass.

Kull darba li niltaqgħu,

Ix-xefaq jersaq qrib,

Id-dinja hawn tispiċċa

U s-sema nerġa’ nsib.

Din tista’ tkun il-mixja,

Li twassal għad x’imkien

Xħin nisma’ leħen jgħidli:

“Trid tkun minn ta’ quddiem”.

Din tista’ tkun il-mixja,

L-itwal li qatt imxejt

Nimxiha xorta waħda,

Inkompli fejn ħallejt.

Alfred Grech

18/06/20126

F’dal-Baħar tal-Inkwiet

F’dal-baħar tal-inkwiet,

Qed ngħumu int u jien,

Għajnejna maħsulin,

Bid-dmugh ta’ dak li kien.

F’did-dinja ta’ ftaħir

Imdawwra b’ħallelin,

Nagħmluha tal-eroj

Inwieżnu liċ-ċkejknin.

F’did-dinja tejatrin,

Filosfi aħna t-tnejn

Nistaqsu u ma nwieġbux,

Ġejiniex hawnhekk għalxejn.

Ġo nifs l-eternita’

Interrqu t-tnejn ħafjin

Fil-wisa’ ta’ deżert,

Imserrħu ma xulxin.

Alfred Grech.

17/06/2016

Nitbissem biex naħbiha.

Nitbissem biex naħbiha

Kemm jien miniex bħal bqija,

Il-biża qed f’kull kelma

U l-ħsieb tal-poeżija.

l-imħabba li trid tfisser

Il-versi ta’ bla rima,

Taħsibni qawwi u f’saħħti,

U għalhekk din it-tbissima

Biex nidher aktar b’saħħti,

Biex lanqas iferuni,

Malajr sibt wara kollox

Li x-xifer qed juruni.

Bħal meta tirrakkonta

Xi ħrafa u mbagħad torqomha

U tibda tgħix il-ħolma

li għadek trid toħlomha.

Alfred Grech

16/06/2016

Dan Hu l-Post li Hekk Se Jibqa’.

Dan hu l-post li hekk se jibqa’

Baqa’ ftit ta’ nifs pulit,

Ġewwa l-art mimlija kosbor

Sema mdennes bil-kubrit.

Dan hu l-post fejn jien se nibqa’,

Hawn maqtuħ hekk isolat

Bogħod min-nies u kull ma jafu,

Għar imħaffer ġewwa l-blat.

Eremit li baqa’ waħdu

Ma mexiex maż-żminijiet,

Għax il-kaos baqa’ jikber,

Baqa’ jdardar l-ilmijiet.

Dan hu l-post li fih ser nibqa’

Ma nisma’ aħbarijiet,

Kull ma nara u kull ma nisma’

Mimli kollu għawġ u nkwiet.

Alfred Grech

San Lawrenz 15/06/2016

Bejnietna Hemm Baħar Jaqsam.

Bejnietna hemm baħar jaqsam

Hemm ħsieb li ma jgħaddix,

Ilsien li mank jinftiehem,

Kurrent li ma jimxix.

Kemm trid f’għajnejk inħares

U nara jekk naqrax,

Il-poeżija tiegħi

U d-diwi jekk nismax

Tal-għana li ngħannilek,

Ta’ dak li ngħid nixtieq,

U nkun ċert li qed tifhem

U mhux tagħtih bis-sieq.

Hemm bogħod mill-art sas-sema,

Bejnietna hemm oċean,

U tibqa’ ħajjtek kollha

Tistqasi jekk hux dan.

Alfred Grech

14/06/2016

Inewwaħ il-Baħar.

Inewwaħ il-baħar għalkemm ħiemed,

Jgħorok ma koxox il-blat bla ma jerħi.

Jien negħereq ukoll f’dan il-baħar

Ta’ li ma nafx fejn jien jerw qiegħed f’dinja oħra.

.

Imqar is-sema ttappan

Għaliex ix-xemx staħbietlu

Wara l-velu tal-mistħija,

Duħħan ta’ swied il-qalb.

Is-skiet ukoll għandu l-polz tiegħu

Żiffa li taħbat ma wiċċek

Biex tisraq il-ħemda tal-blat għeri

Jew ħaxix niexef.

Iżda l-polz tal-ħajja mal-polz tal-univers.

Hawnhekk ukoll l-iħirsa jieħdu l-forma

Qalb l-arja mtappna

Biex l-anqas biss jingħaraf

Dak li hu tassew.

Jien nixtieq nibqa’ ngħammar f’dawn l-inħawi

Biex mal-iħirsa nibqa

Insaħħar lil min jiġi.

Alfred Grech

Tas’ Slima, San Lawrernz.

12/06/2016

TKUN TAF X’HEMM WARA X-XEFAQ.

Tkun taf x’hemm wara x-xefaq

Xħin lanqas tibqa’ tħares,

U tgħaraf it-tjubija

Xħin tibda dduq il-qares.

Xħin lanqas tkun qed tgħixha,

Tassew il-ħajja tibda’,

U tifred l-art mis-sema

Issib tassew l’hemm ġibda.

Xħin lanqas biss tistaqsi

Timtela’ bl-għerf u t-tama,

Xħin lanqas biss tfittixha

Issib li ħadt il-fama.

Tintebaħ bik innifsek

Xħin tgħaraf lil ħaddieħor,

Għax xħin tistenna tixba’

Issib l-għaddejt lill-ieħor..

Issibek tgħix għal dejjem,

Xħin tibda tgħix bħalissa,

U fl-għada lanqas taħseb,

l-eternita’ minn issa.

Issibu li ġa’ wasal

Lil dak li tkun tistenna,

U jekk ma dwarek tħares

Qed tgħix f’tal-art il-ġenna.

L-imħabba biss trid twasslek

Fejn ħadd ma wasal miegħek

Tintebaħ b’dan il-kobor

Xħin tgħaraf ix-xejn tiegħek.

Alfred Grech.

11/06/2016

Hekk Nafek Jien.

Hekk nafek jien mingħajr il-frilli

Mingħajr ilbies mingħajr xintilli,

Li bihom xi ħaddieħor ried iżejnek.

Sirt nafek biss xħin ġejt tħabbatli

Mal-ħġieġ, ittektek, tixxabbatli

Ma ħoġor it-tieqa u taħsadni.

Jien nafek lilek, hekk, kif inti

Kif toħroġ tħobb minn wara l-kwinti

Għarwiena u seduċenti

Mar-ritmi tal-kurrenti

Tistedinni nidħol miegħek

Fid-dlam tas-saltna tiegħek.

Hekk nafek jien, ja poeżija

Kull meta ġġegħelni ngħid xi ħaġa

Li mhix bħal bqija.

Alfred Grech

10/06/2016

Jien Priġunier.

Jien priġunier tad-dinja li ngħix fiha,
Ta’ dak li qiegħed nara u dak li mmiss,
Ta’ dak li jaħbat miegħi dak li nisma,
Ta’ dak li jersaq lejja nkiss, inkiss.

Jien priġunier ta’ dan il-moħħ prekoċi,
Tal-ħsibijiet li jiġru kullimkien,
Tal-ħsieb qalil li qatt ma jrid jitrażżan
U miegħu lili jġorr kull fejn kien, kien.

Ilsir tal-meravilji ta’ madwari,
Ta’ li nixtieq u rridu minnufih,
Ta’ kull passjoni, istint u tqanqil ieħor,
U ta’ xewqat li jduru ma kull riħ.

Jien priġunier ta’ dak li nġorr fuq dahari,
Ta’ dak li minnu ngħaddi u dak li ġej,
Ta’ dan il-ġisem tqil li beda jbatti,
U ta’ kull xkiel, ma tafx fejn hu l-werrej.

Jien priġunier ta’ l-art li qed ngħix fiha,
Tax-xogħol li nagħmel, l-ambizzjonijiet,
Tal-biża’ li jaqbadni l’għada nsebbaħ,
Tad-dubbji li jiġuni bil-mijiet.

U ngħix fid-dell ta’ waħx li jiġri miegħi,
Warajja jkun bil-pass kull fejn immur,
Itektek fis-subkonxju f’kull ma nagħmel:
Il-mewt li minna ħadd ma jaħrab żgur.

Għax il-ħelsien li naf fil-poeżija,
F’dawk il-waqtiet xħin waħdi bla miżmum,
Nintebaħ jien min jien, ngħix fija nnifsi,
U niżżik ħajr Mulej kull meta nqum.

Alfred Grech.
08/06/2016

Jien Priġunier.

Jien priġunier tad-dinja li ngħix fiha,

Ta’ dak li qiegħed nara u dak li mmiss,

Ta’ dak li jaħbat miegħi dak li nisma,

Ta’ dak li jersaq lejja nkiss, inkiss.

Jien priġunier ta’ dan il-moħħ prekoċi,

Tal-ħsibijiet li jiġru kullimkien,

Tal-ħsieb qalil li qatt ma jrid jitrażżan

U miegħu lili jġorr kull fejn kien, kien.

Ilsir tal-meravilji ta’ madwari,

Ta’ li nixtieq u rridu minnufih,

Ta’ kull passjoni, istint u tqanqil ieħor,

U ta’ xewqat li jduru ma kull riħ.

Jien priġunier ta’ dak li nġorr fuq dahari,

Ta’ dak li minnu ngħaddi u dak li ġej,

Ta’ dan il-ġisem tqil li beda jbatti,

U ta’ kull xkiel, ma tafx fejn hu l-werrej.

Jien priġunier ta’ l-art li qed ngħix fiha,

Tax-xogħol li nagħmel, l-ambizzjonijiet,

Tal-biża’ li jaqbadni l’għada nsebbaħ,

Tad-dubbji li jiġuni bil-mijiet.

U ngħix fid-dell ta’ waħx li jiġri miegħi,

Warajja jkun bil-pass kull fejn immur,

Itektek fis-subkonxju f’kull ma nagħmel:

Il-mewt li minna ħadd ma jaħrab żgur.

Għax il-ħelsien li naf fil-poeżija,

F’dawk il-waqtiet xħin waħdi bla miżmum,

Nintebaħ jien min jien, ngħix fija nnifsi,

U niżżik ħajr Mulej kull meta nqum.

Alfred Grech.

08/06/2016 

Jien Priġunier.

Jien priġunier tad-dinja li ngħix fiha,

Ta’ dak li qiegħed nara u dak li mmiss,

Ta’ dak li jaħbat miegħi dak li nisma,

Ta’ dak li jersaq lejja nkiss, inkiss.

Jien priġunier ta’ dan il-moħħ prekoċi,

Tal-ħsibijiet li jiġru kullimkien,

Tal-ħsieb qalil li qatt ma jrid jitrażżan

U miegħu lili jġorr kull fejn kien, kien.

Ilsir tal-meravilji ta’ madwari,

Ta’ li nixtieq u rridu minnufih,

Ta’ kull passjoni, istint u tqanqil ieħor,

U ta’ xewqat li jduru ma kull riħ.

Jien priġunier ta’ dak li nġorr fuq dahari,

Ta’ dak li minnu ngħaddi u dak li ġej,

Ta’ dan il-ġisem tqil li beda jbatti,

U ta’ kull xkiel, ma tafx fejn hu l-werrej.

Jien priġunier ta’ l-art li qed ngħix fiha,

Tax-xogħol li nagħmel, l-ambizzjonijiet,

Tal-biża’ li jaqbadni l’għada nsebbaħ,

Tad-dubbji li jiġuni bil-mijiet.

U ngħix fid-dell ta’ waħx li jiġri miegħi,

Warajja jkun bil-pass kull fejn immur,

Itektek fis-subkonxju f’kull ma nagħmel:

Il-mewt li minna ħadd ma jaħrab żgur.

Għax il-ħelsien li naf fil-poeżija,

F’dawk il-waqtiet xħin waħdi bla miżmum,

Nintebaħ jien min jien, ngħix fija nnifsi,

U niżżik ħajr Mulej kull meta nqum.

Alfred Grech.

08/06/2016