Inewwaħ il-Baħar.

Inewwaħ il-baħar għalkemm ħiemed,

Jgħorok ma koxox il-blat bla ma jerħi.

Jien negħereq ukoll f’dan il-baħar

Ta’ li ma nafx fejn jien jerw qiegħed f’dinja oħra.

.

Imqar is-sema ttappan

Għaliex ix-xemx staħbietlu

Wara l-velu tal-mistħija,

Duħħan ta’ swied il-qalb.

Is-skiet ukoll għandu l-polz tiegħu

Żiffa li taħbat ma wiċċek

Biex tisraq il-ħemda tal-blat għeri

Jew ħaxix niexef.

Iżda l-polz tal-ħajja mal-polz tal-univers.

Hawnhekk ukoll l-iħirsa jieħdu l-forma

Qalb l-arja mtappna

Biex l-anqas biss jingħaraf

Dak li hu tassew.

Jien nixtieq nibqa’ ngħammar f’dawn l-inħawi

Biex mal-iħirsa nibqa

Insaħħar lil min jiġi.

Alfred Grech

Tas’ Slima, San Lawrernz.

12/06/2016