Jinfaqgħu Bżieżaq.

Jinfaqgħu bżieżaq t’arja qabel jiżbaħ

Murtali tas-sapun,

Ma baqa’ xejn miż-żrar u t-trab tal-bieraħ,

L-ispirtu fil-flixkun.

Ir-rota tibqa’ titħan sa fix-xifer,

Il-ħsieb sar bħal miġnun,

Indur in-naħħa l-oħra tas-siparju,

Ħabib kull min ikun.

It-toroq li terraqna saru xahari,

Il-lejla fejn se tkun?

Inkella saru dritti u qatt ma jieqfu,

Ħarstek daqs sejf misnun.

Alfred Grech

06/07/2106